Жаңалықтар

Саяси қуғын-сүргін құрбандарын есте сақтау музейі архивтік құжаттарды цифрландыру үшін Bookeye BE5-V3 Basic заманауи планетарлық кітап сканерін сыйға тартқан Слободскийлерге және олардың отбасыларына шын жүректен алғыс білдіреді. Слободскийлер – КарЛАГ-та жазасын өтеп, сол жерде қаза тапқан ақын әрі альпинист Михаил Иванович Слободскийдің ұрпақтары. Олардың тарихи жадыға бейжай қарамандарының арқасында музей бірегей құжаттар, хаттар, фотосуреттер мен жеке куәліктерді сапалы әрі жедел өңдеуге мүмкіндік алды. 

Сондай-ақ, сканерді жеткізген және оны таңдау мен пайдалану бойынша кәсіби кеңестер ұсынған Grandstok компаниясына ерекше ризашылығымызды білдіреміз.

Жаңа сканер біз үшін тарихи мұраны сақтау және оны кеңінен насихаттау ісінде жаңа мүмкіндіктер ашады. Сіздердің бұл игі істеріңіз – мәдени-ағартушылық бастамаларды қолдаудың қаншалықты маңызды екенін көрсететін жарқын үлгі болып табылады.

Долинка кентінде, 10 шілдеде маңызды кездесу өтті: отбасылары Кеңес одағында саяси қуғын-сүргінге ұшыраған Қазақстан мен Германиядан келген неміс саяси эмигранттарының ұрпақтары, саяси қуғын-сүргін құрбандарын еске алу музейіне барды. Сапар аясында қонақтар үшін экскурсия өткізіліп, архивтік құжаттар мен фотосуреттерден көрме ұйымдастырылды. Германиядан келген қонақтарға жергілікті тұрғындармен кездесу ерекше әсер қалдырды, өйткені олардың ата-бабалары да неміс ұлтының саяси тұтқындары болған. Қонақтар өздерінің отбасылық тарихтарымен бөлісіп, бір-бірлеріне қолдау көрсетіп, жайлы атмосфера қалыптастырды.

2025 жылғы 12 шілдеде Долинка кентіндегі Саяси қуғын-сүргін құрбандарын еске алу музейіне Франциядан келген журналист Мадек Манон келді. Экскурсия барысында музейдің жалпы тарихты қамтамасыз ету жөніндегі ғылыми-зерттеу бөлімінің ғылыми қызметкері Турлубекова Анна Николаевна журналисті музей экспозициясымен таныстырып, 1930–1950 жылдардағы саяси қуғын-сүргін тарихы мен Долинка кентінің тарихи нысандары туралы ағылшын тілінде әңгімелеп берді.

Экскурсиядан кейін музейдің конференц-залында журналист пен музейдің ғылыми кеңесі арасында сұхбат өтті. Ғылыми кеңестің құрамында музей директорының орынбасары Дребезгов Андрей Сергеевич, жалпы тарихты қамтамасыз ету жөніндегі ғылыми-зерттеу бөлімінің ғылыми қызметкерлері Турлубекова Анна Николаевна мен Кондрашов Иван Евгеньевич болды. Сұхбат барысында музейдің құрылу тарихы, көрмелердің дамуы, келушілер, жергілікті қауымдастықтармен байланыс және басқа да тақырыптар қозғалды.

Достар, сіздерді Халықаралық музейлер күніне және Ұлы Отан соғысындағы Жеңістің 80 жылдығына орай "Музей түні" іс-шарасына шақырамыз! Өтетін күні: 16 мамыр 2025ж. Өткізу уақыты: сағ. 18.30 -24.00

23 қарашада Долинка кентіндегі саяси қуғын – сүргін құрбандарын есте сақтау музейіне Қытайдың Ляонин провинциясындағы негізгі жоғары оқу орындарының бірі - Шэньян педагогикалық университетінің (ShenyangNormalUniversity, snu) оқытушылары мен студенттері келді.

Екіжақты ынтымақтастық бағдарламасы аясында Академик Е. А. Бөкетов атындағы Қарағанды университетінің және Шэньян педагогикалық университеті оқытушылары мен студенттері арасында тәжірибе алмасу жүріп жатыр. Оқытушылар мен студенттер ғылыми тағылымдамадан өту және түрлі пәндерді оқыту тәжірибесімен алмасу үшін университеттерге барады.

12-28 қараша аралығында Е. А. Букетов атындағы Қарағанды университетіне  кезекті ғылыми тағылымдамадан өту үшін Шеньян педагогикалық университетінен делегация келді. Делегация 30 адамнан тұрады - 9 оқытушы және  құқықтану, физика, биология, химия және химиялық инженерия, музыка, әлеуметтану сияқты түрлі мамандықтар бойынша 21 білім алушы бар.

2024 жылдың мамыр айында Е.А.Букетов атындағы Қарағанды университетінің жас ғалымдары ғылыми тағылымдамадан өту мақсатында Қытайдағы Шэньян педагогикалық университетіне барған болатын.

 Қонақтар ағылшын тілінде өткізілген экскурсияны қызыға тыңдады, экскурсия  барысында біздің еліміздің тарихына қызығушылық танытып, сұрақтар да беріліп жатты.

2024 жылғы 20 қарашада Долинка кентінің саяси қуғын-сүргін құрбандарын еске алу музейінің  қызметкерлері «АЛЖИР» саяси қуғын-сүргін құрбандарын еске алу мемориалдық кешеніне және Қазақстанның Ұлттық музейіне барды. Бұл күні музей  ұжымы мәдени оқиғалардың,  көрмелер мен іс-шараларға қатысып, өз әсерлерін талқылап, тәжірибе алмасты.

Сапар нәтижесінде ұлттың мәдени-тарихи мұрасын сақтауға, зерделеуге және насихаттауға, сондай-ақ музейлер арасындағы ғылыми және мәдени байланыстарды нығайтуға бағытталған өзара ынтымақтастық мәселелері қаралды.

Гоголь атындағы ғылыми кітапхананың 90 жылдығына арналған халықаралық конференция аясында Долинка кентіндегі саяси қуғын-сүргін құрбандарын есте сақтау музейінде көшпелі экскурсия ұйымдастырылды.

Экскурсия барысында музей қызметкерлері тоталитаризм жылдарындағы Қазақстандағы саяси қуғын-сүргін туралы айтып, осы тарихи кезеңге байланысты сирек кездесетін жәдігерлерді көрсетті.

Қонақтарға арналған экскурсия өте қызықты және танымдық болды. Сол кездердегі адам төзгісіз жағдайларда тұтқындарды түрмеге қамаудың ауырлығы мен қасіретін көрсететін сирек кездесетін архивтік материалдар мен экспозициялар қонақтарға үлкен әсер қалдырды. 

2024 жылғы 03 қыркүйекте Долинка кентіндегі саяси қуғын-сүргін құрбандарын еске алу музейінде «Музейдегі білім күні» атты музей сабағы өтті. Долинка кентінің № 4 ЖББОМ оқушылары интерактивті технологияларды қолдана отырып, портативті музей көрмесін пайдалана отырып, іс-шараға қатысты.Осылайша музей сабағына қатысушылар өткенге үңіліп, мектептерінің тарихы қалай басталғанын білді.

30-50 жылдардағы Долина мектебі - мұнаралар мен тікенді сымдар, бақылаушылардың жүзін кеңес зиялыларының мейірімділігі мен білімі алмастырған орын болды. Тұтқындар кеше кеңес ғылымы мен мәдениетін нұрландырған  ғылыми кафедраның трибунасы артында тұрған адамдар еді. Іс-шараға қатысушыларды «Пионер бұрышы» фотокөрмесі мен Карлаг педагогтарының фотосуреттері қызықтырды. Ойынға қатыса отырып, балалар Ленин атындағы Бүкілодақтық пионер ұйымының тарихы және дәстүрімен танысты.

2024 жылғы 01 қазанда «Долинка кентіндегі саяси қуғын - сүргін құрбандарын есте  сқтау музейі» КМҚК Сергей Петрович Солодовников бастаған Астана қаласы әкімдігінің «Біріккен музейлер дирекциясы» МКҚК өкілдері  мен осы кәсіпорынның орынбасары – Самат Ілиясұлы Тергембаев және «АЛЖИР» саяси қуғын-сүргін және тоталитаризм құрбандарының музей-мемориалдық кешенінің қызметкерлері келді. Сапар барысында Долинка кентіндегі музейдің экспозициялық залдары бойынша экскурсия өткізілді, содан кейін қонақтар алынған ақпарат, көрмеге қойылған фотосуреттер мен құжаттар туралы өз әсерлерімен бөлісті. Әңгімелесу барысында екі тарап үшін де қызығушылық тудыратын материалдарды іздестіруде бірлескен ынтымақтастық, тәжірибе алмасу және өзара көмек туралы уағдаластыққа қол жеткізілді.